أنا بحياتي كلّها ما شفت أوقح وأحقر من شركة “آيشتي”!! فمن بعد ما بهدلوا علم لبنان بصراميهن، ومن بعد ما طُلبوا على التحقيق متل ما سبق واقرينا، رجعوا وبكلّ وقاحة صوّروا إعلان لبضاعتهن بمناسبة عيد الميلاد، زيّنوا فيه شجرة الميلاد يلّي تُعتبر رمز هالعيد المسيحي المجيد بالصرامي، رجعوا صوّروا هالصرامي مدعوس فيهن على طاولة الأكل المعمولة بمناسبة العيد، ومش بس هيك، حطّوا الصرامي على صحون الأكل مع الكركند وغيره من الخيرات متل ما عم بتشوفوا! وآخر شي وبكلّ وقاحة بتتمنّى هالشركة الفاضلة عيد ميلاد مجيد بآخر الإعلان! يا عيب الشوم بس! لا إحترام للعيد ورموز العيد ولا إحترام للقمة العيش ولا إحترام للوطن!! إنّو ما فهمت؟!! إنّو عم يعملوها نكاية فينا وبالدولة، ولّا هالمؤسّسة أساسًا مؤسّسة صهيونية ومش عارفين، ولّا شو بالتحديد؟!! بليز حدا يفسّرلي!! بعدين كيف بترضى شاشة الـMTV المسيحية إنّها تنزِّل هيك إعلان على شاشتها ومن دون رقابة، وّلا بس يِنْوَجد الدولار مِنْزيح المسيح عجنب؟؟!! يا عيب الشوم بس!! #اخص_عليك_يا_زمن
#ملاحظة: شو رح يكون واطي مطلق أيّ مواطن/زبون، وبالأخص المسيحي، لمّا، ومن بعد كلّ هالإهانات والذلّ، رح يشتري من عندن!! #بلا_قرف
شوفوا بشرفكن هالكم كومنتس اللي إجوا على هيدي الصورة لـ#مايا_دياب اللي ما خصّن لا من بعيد ولا من قريب بأجواء الصورة!
للكومنت الأوّل بحبّ ردّ عليه عنها وقلّه: “وجع يخلع نيعك خلع شو إنّك “سلايف”! شدّلّي حالك يا كلب!!” (على فكرة، اللي بدّو يحاضرلي بحقوق الإنسان الجنسيّة، بحبّ ردّ عليه سلفًا وقلّه إنّو كلّ “سلايف” بيطير عقله من الفرح والنشوة لمّا يِنحكى هيك! فما تعتلوا همّن، حقوقهن دايمًا محفوظة عندي! )
أمّا بالنسبة للكومنت التاني فبقلّه: “يقصف عمرك وعمر نظرك، وين شفته للـ”بز” بهالصورة لحتى تجيب سيرته يا أعمى؟!! وإذا في حال يا سيدي كنت عم تحكي عمومًا، ليه هيّي أصلًا عندها “بز”؟!! #سؤال_برسم_الإجابة
|
© 2021 eliebassil.com - All Rights Reserved. |